मुलींसाठी जोडीदार शोधताना मुलीच्या घरचे मुलांमधील ‘या’ ५ गुणांना देतात प्राधान्य!

मुलींसाठी जोडीदार शोधताना मुलीच्या घरचे मुलांमधील ‘या’ ५ गुणांना देतात प्राधान्य!

प्रत्येक व्यक्तीची पर्सनॅलिटी आणि मतं वेगवेगळी असतात त्यामुळे सहाजिकच ज्याचा जसा दृष्टिकोन तो व्यक्ती आपला जोडीदार त्या पद्धतीनेच शोधण्याचा प्रयत्न करणार! मुली आपल्या आई-वडिलांची परिस्थिती कितीही बिकट असली तरीही कायम एखाद्या परीसारखंच आयुष्य जगतात.

म्हणजे आपल्या लेकीच्या सुखासाठी आई-वडिल कायमच झटत असतात त्यामुळे सहाजिकच आपल्या वडिलांमधील काही क्वालिटीज आपल्या जोडीदारातही असाव्यात आणि लग्नाआधी जसं आपण आरामात, सुखात, लाडात आयुष्य जगतोय तसं लग्नानंतरही जगावं असं प्रत्येक मुलीला वाटत असतं.

अर्थात ही इच्छा मुलांचीही असते पण मुलीला आपलं घरं सोडावं लागणार असल्याने ती याबाबत जरा जास्त सजगता बाळगताना दिसून येते. काही गोष्टी ती कटाक्षाने आपल्या जोडीदारात शोधण्याचा प्रयत्न करते. पण मुलांमधील असा काही सवयी ज्या या जगातील प्रत्येक मुलीला आपल्या जोडीदारात हव्या असतात. म्हणजे जोडीदाराबाबत मुलींच्या या काही आवडी अगदी सेम असतात.

ही खासियत दिसणं, पैसा यापलिकडे जाऊन व्यक्तिमत्वाशी जोडलेली असते. प्रत्येक चांगल्या संस्कारात वाढलेल्या मुलामध्ये या गोष्टी असतातच असतात त्यामुळे या गोष्टीवरुन आपल्या जोडीदाराची पारख करणं मुलींना सोपं जातं. तर मुलांनो वाचताय ना? तुम्हालाही भविष्यात तुमच्या स्वप्नातल्या राणीला इम्प्रेस करण्यासाठी या गोष्टी येऊ शकतात कामी!

आदर राखणारा – बरीच लोक म्हणतात नात्यात प्रेम सर्वात जास्त महत्त्वाचं असतं पण खरं तर नात्यात प्रेमापेक्षाही आदर सर्वात वरच्या स्थानी असतो. कोणताही मुलगा आपल्या प्रेयसीला कितीही पॅम्पर करो, तिचा लाड करो अथवा तिच्यावर पैसा उधळो पण जोपर्यंत तो तिला आदर देत नाही तोपर्यंत कोणतीच स्वाभिमानाला श्वासासारखं जपणारी मुलगी त्याच्यासोबत राहणार नाही.

पुरुषप्रधान समाजात राहताना बहुतांश वेळा मुलींना अनेक नकारात्मक आणि भुरसटलेल्या विचारांचा सामना करावा लागतो त्यामध्ये जोडीदारच एखाद्या मुलीला असा मिळाला जो तिच्या कामाचा, विचारांचा किंवा तिचा आदर करत नाही तर ती त्याच्यासोबत आयुष्य कसं व्यतीत करु शकते? त्यामुळे प्रत्येक मुलगी सर्वात आधी आपला जोडीदार आपल्याला किती आदर देतो हेच पाहते आणि मगच निर्णय घेते.

समजुतदार स्वभाव – एकमेकांना समजून उमजून नातं टिकवणं हा तर प्रत्येक नात्याचा पाया असतो. जर हा समजुतदारपणाच नात्यात नसेल तर गैरसमजापासून न जाणो कितीतरी नकारात्मक गोष्टी नात्यात शिरकाव करतील आणि नातंच उद्धवस्त करतील.

जर समजुतदार मुलगा जोडीदार असेल तर त्या मुलीला कोणताच प्रॉब्लेम किंवा विचार शेअर करताना संकोच वाटणार नाही. समजुतदारपणा नात्यातील संवाद स्ट्रॉंग ठेवण्यास मदत करतो ज्यामुळे जोडीदारासोबत भावनात्मिक नातं मजबूत होतं.

गृहित न धरणं – नातं तोडण्यास सर्वात जास्त जबाबदार कोणती गोष्ट असेल तर ती असते आपल्या जोडीदाराला गृहित धरणं. एकत्र वेळ घालवण्यासाठी वेळ न काढणं, मेसेज किंवा कॉलचा तासनतास रिप्लाय न करणं, डेटवर जाण्यासाठी किंवा बाहेर फिरायला जाण्यात रस न दाखवणं, प्रेयसीच्या आयुष्यात काय सुरु आहे यामध्ये रस न दाखवणं यासारख्या गोष्टी हे दाखवून देतात की तुम्ही जोडीदारास गृहित धरता आहात. जेव्हा जोडीदार असं वागतो तेव्हा एकमेकांवर कितीही प्रेम का असेना पण नातं तुटण्याच्या मार्गावर जातं.

काळजी घेणारा – काळजी घेणं हे प्रेम व्यक्त करण्याचा सर्वात मोठा भाग असतो. संकटसमयी खंबीरपणे जोडीदाराच्या पाठीशी उभं राहण्यापासून थंडी वाजताच त्याच्या अंगावर पांघरुण घालणं इथवरच्या छोट छोट्या गोष्टीही काळजीमध्ये मोडतात.

सर्वात महत्त्वाचं म्हणजे जो व्यक्ती खरंच आपल्या जोडीदाराची मर्यादेपलीकडे जाऊन काळजी घेतो तो कधीच त्या व्यक्तीला दुखावणार नाही. असं वागणं मुलींना सुरक्षित वाटण्यासही उपयोगी पडतं. आपली काळजी वाहणारा, सतत सोबत असणारा, पडल्यावर हात देऊन उठवणारा आणि रडताना अलगद हसवणारा जोडीदार कायमच मुलांना जास्त प्रिय वाटतो.

दयाळू व परोपकारी – प्रत्येकालाच दयाळू आणि परोपकारी जोडीदार हवा असतो. कारण ब-याचदा दयाळू असणारा व्यक्ती केयरिंग, समजुतदार आणि आदर देणारा असतोच. व्यक्ती दयाळू तेव्हाच असू शकतो जेव्हा तो एखाद्याच्या भावभावनांचा विचार करुन त्याची मदत करत असेल, त्याच्या बाजूने विचार करत असेल आणि हे दोन्ही भाव त्या व्यक्तीला एक सर्वोत्तम व्यक्तिमत्व बनवतात.

मुली अशा मुलांकडे लवकर आकर्षित होतात. कारण जो मुलगा प्रत्येक व्यक्तीशी आदराने, संयमाने, चांगली भाषा ठेऊन वागतो तो व्यक्ती अर्थातच जोडीदाराशी देखील तितक्याच चांगुलपणाने वागणार.

मित्रांनो हे आर्टिकल तुम्हाला आवडले असेल तर नक्की लाईक करा आणि आपल्या मित्रांबरोबर शेयर करायला विसरू नका. तसेच आपली प्रतिक्रिया कमेंट करून नक्की कळवा.

Team Marathi Manoranjan

Related articles