ब्रेकअपनंतर व्यक्तीत होतात ‘हे’ मोठे बदल, जाणून घ्या ब्रेकअप झाल्यावर तुमच्यात देखील झालेत का हे बदल

ब्रेकअपनंतर व्यक्तीत होतात ‘हे’ मोठे बदल, जाणून घ्या ब्रेकअप झाल्यावर तुमच्यात देखील झालेत का हे बदल

ब्रेकअप अर्थात प्रेमभंग कोणत्याही व्यक्तीच्या आयुष्यातील सर्वात मोठा क्षण असतो कारण त्या एका घटनने त्याचे अख्खे आयुष्य बदलून जाते. आपण ज्या व्यक्तीवर जीवापाड प्रेम केलं त्या व्यक्तीचा विरह हा सहन करण्यापलीकडला असतो. ज्याच्या सोबत आयुष्यभर राहण्याची वचन घेतली ती व्यक्ती जेव्हा अर्ध्या आयुष्यातून सोडून जाते तेव्हा होणाऱ्या यातना या असह्य असतात. पण म्हणतात ना माणूस सगळं काही विसरून पुढे निघून जातो.

प्रेमभंग झाला म्हणून रडत बसणारी लोकं फार कमी असतात. बहुतांश लोकं काही वेळ त्याचं दु:ख गाळतात आणि मग समोर पडलेलं आयुष्य गोड मानून ते जगू लागतात नव्या जोडीदाराच्या शोधामध्ये, नवीन कोणीतरी येऊन आपल्या आयुष्याला रंग देईल या आशेने! पण तुम्हाला माहित आहे का ज्या व्यक्तींचं ब्रेकअप होतं त्यांच्यात नक्की बदल काय घडतो? चला आज या लेखातून आपण तेच जाणून घेण्याचा प्रयत्न करुया.

कमिटमेंटपासून दूर राहणे

ज्या व्यक्तीचे ब्रेकअप होते आणि ती व्यक्ती जेव्हा नव्या नात्यामध्ये जाते तेव्हा नव्या जोडीदाराला कमिटमेंट देण्याचे टाळते. अर्थात हे नातं मी खरंच आयुष्यभरासाठी टिकवेन असे वचन ती देत नाही. अर्थात या मागे समोरच्याला फसवण्याचा त्या व्यक्तीचा उद्देश नसतो तर आपली झालेली फसवणूक ती व्यक्ती विसरलेली नसते. म्हणून नवं नातं खरंच कितपत टिकेल का याची त्या व्यक्तीलाच शाश्वती नसते. त्यामुळे हा एक मोठा बदल घडतो की ब्रेकअप झाल्यावर आयुष्यात जे जोडीदार येतात त्यांना कमिटमेंट देण्यास मन धजावत नाही.

जास्त स्वाभिमान –

ज्या व्यक्तीवर आपण खरं प्रेम करतो त्या व्यक्तीसाठी आपण आपला सर्व स्वाभिमान सोडून दिलेला असतो. त्या व्यक्तीसाठी काहीही म्हणजे काहीही करण्याची आपली तयारी असते. पण जेव्हा ती व्यक्ती सोडून जाते तेव्हा आपल्याला आपली चूक कळते की आपण आपला स्वाभिमान प्रेमात सोडून देणे हे चूक आहे. त्यामुळे ब्रेकअप झाल्यावर तो स्वाभिमान पुन्हा जागृत होतो आणि इतर कोणत्याही व्यक्तीसाठी तो पुन्हा सोडून देता येत नाही.

प्रॅक्टीकल होणं

ब्रेकअप हे माणसाला प्रॅक्टीकल बनवते. आजवर भावनेत अडकून पडलेला व्यक्ती ब्रेकअप मुळे ताळ्यावर येतो आणि त्याला कळते की कोणात जास्त अडकून राहणे हे आपल्यासाठीच धोकादायक आहे. कारण समोरच्या व्यक्तीला त्याचा जास्त त्रास होत नाही पण आपल्याला खूप त्रास होतो.

ही गोष्ट लक्षात आल्यावर साहजिकच ती व्यक्ती इमोशनलपणा सोडून प्रॅक्टीकलपणावर भर देते आणि शक्य तितकं प्रॅक्टीकल राहण्याचा प्रयत्न करते. आयुष्यात नवीन व्यक्ती आली तरी तिच्यात जास्त अडकून राहत नाही. हा अजून एक मोठा बदल ब्रेकअप नंतर व्यक्तीमध्ये घडतो.

कुटुंब आणि मित्रमैत्रिणींना जास्त वेळ

माणूस जेव्हा प्रेमात असतो तेव्हा त्याला इतर जगाशी काहीही पडलेली नसते. त्या व्यक्तीसाठी आपला जोडीदारचं सर्वस्व असतो. यामुळे कुटुंबातील रक्ताचे लोक, मित्र मैत्रिणी यांच्याशी संबंध तुटतो आणि त्यांच्याशी असलेले नाते काहीसे दुरावले जाते.

प्रेमात असलेल्या माणसाला तुम्ही या गोष्टी कितीही समजावून सांगितल्या तरी तो ऐकणार नाही. पण जेव्हा ब्रेकअप होते आणि मानसिक आधार द्यायला हीच सगळी लोकं मदत करतात तेव्हा त्या व्यक्तीला आपली चूक कळते आणि ती व्यक्ती आपल्या कुटुंबाला आणि मित्र मैत्रिणींना जास्त प्राधान्य देते. त्यांच्या सोबत राहून तिला आनंद सुद्धा मिळतो.

करियरवर फोकस

ब्रेकअप नंतरचा सर्वात महत्त्वाचा बदल म्हणजे ती व्यक्ती करियर वर फोकस करू लागते. प्रेमाच्या नादात आपलं आपल्या करियरकडे झालेलं दुर्लक्ष पाहून त्या व्यक्तीला पश्चाताप होतो आणि प्रेम वगैरे सगळं खोटं असतं हा समज मनात घेऊन ती व्यक्ती आपल्या करियरवर लक्ष केंद्रित करते. या दरम्यान ती व्यक्ती नवीन व्यक्तींना सुद्धा आपल्या आयुष्यात येऊ देत नाही. तर मंडळी अशाप्रकारे ब्रेकअपचे विविध साईड इफेक्ट्स दिसू लागतात आणि व्यक्तीच्या आयुष्यात बदल घडतो.

मित्रांनो हे आर्टिकल तुम्हाला आवडले असेल तर नक्की लाईक करा आणि आपल्या मित्रांबरोबर शेयर करायला विसरू नका. तसेच आपली प्रतिक्रिया कमेंट करून नक्की कळवा.

Team Marathi Manoranjan

Related articles